ДУНЁ ЖАМИЯТ ИҚТИСОДИЁТ 

Жефф Безос 15 дақиқада 13 миллиард доллар бойлик орттирди

«Амазон» асосчиси Жефф Безос, дунёдаги энг бой одам ҳисобланиб, 15 дақиқада 13 миллиард доллар бойлик орттирди. Бу ҳақда «Блоомберг» хабар бермоқда.

Нашрнинг таъкидлашича, бу компания компаниянинг чораклик даромадлари тўғрисидаги ҳисоботини эълон қилганидан кейин рўй берган. Унга кўра, компаниянинг даромади таҳлилчилар тахмин қилганидан юқори бўлган. Хусусан, бир аксия учун даромад 4,11 доллар ўрнига 6,47 долларни ташкил этди.

Ҳисобот эълон қилинганидан сўнг, «Амазон» акциялари нархи 12 фоизга ошди. Шундай қилиб, Безоснинг бойлиги қарийб 129,5 миллиард долларгача ошди. Таъкидланишича, «Billionaires Index” рейтингидаги индекс 31 январь куни савдо-сотиқ ёпилгандан кейингина акс этади.

Ҳозирда Жефф Безос «Форбес» рейтингига кўра дунёнинг энг бой одамлари рўйхатида биринчи ўринда. Унинг бойлиги 116 миллиард долларга баҳоланмоқда.

Tegishli xabarlar

Leave a Comment